تامر حسني يشعل حفل العين السخنة وسط حضور جماهيري كبير

 زوج حلا شيحا يخرج عن صمته ويرد بأرقى الكلمات:" رحلتنا هي رحلة بحث عن الحق والخير والجمال"

بعد الأزمة التي تفاعلت حول تعليق الفنانة المصرية حلا شيحا وإنزعاجها من نشر فيديو كليب  قديم لها مع النجم تامر حسني من فيلم " مش انا " حيث قام الأخير بنشره على صفحته ليتفاجئ الجميع بردة فعل شيحا حيث إنهالت عليها الإنتقادات والردود من كل حدب وصوب، مما استدعى تدخل  الزوج وهو المنتج والداعية الإسلامي معز مسعود الذي وجه لها رسالة عبر مواقع التواصل الإجتماعي بالكثير من الوعي والرقي 

فقال:" إلى زوجتي الغالية حلا، قادر افهم انزعاجك نتيجة مرور وقت كبير على تصوير الفيلم ده بسبب كورونا، وان حياتك اتغيرت زي ما انتِ قولتي في البوست بكل احترام. قادر كمان افهم انزعاجك من التركيز على المشاهد دي وتجميعها رغم الوعد الشفهي بتجنب ذلك من صنّاع العمل (الكلام ماكانش عن إلغاء الكليب ولكن إن التركيز ميكونش على مشاهد معينة زي دلوقتي)، خصوصاً مع نزول الكليب في توقيت له قدسية كبيرة بالنسبة لنا، ولو كنا نعرف إن الوعد مش كافي علشان يحل المشكلة دي كنا مشينا في حلول تانية... اللي بينك وبين ربنا فيما يخص أجورك عن أعمالك السابقة مش مضطرة تقوليه لحد.. ومتشغليش بالك بأي كلام بيتقال بغير علم.. الناس مش بتاخد بالها من تفاصيل كتير أبسطها الوقت الطويل والأحداث الكبيرة اللي بتحصل في حياة اللي بيتكلموا عنهم بمنتهى الأريحية والثقة والتسرع في إصدار الأحكام".

وأضاف: "قادر أفهم قصدك لما اتكلمتي عن (نوع معيّن) من المشاهد يعني نوع معيّن من الفن و(مش تعميم على الفن كله). وعاوز أفكرك يا حبيبتي إن رحلتنا هي رحلة بحث عن الحق والخير والجمال... رحلة اعتزاز بالثقافة والهوية... نموذج قوي لرفض التطرف على الناحيتين... الناحية المكسوفة من هويتها وبتقلّد الغرب من غير حكمة أو علم أو عزة (اللي انا سميته (الانتحار الثقافي) في كلمتي في الحوار الوطني سنة ٢٠١١، والناحية التانية المسجونة في قوالب مميتة للفكر والفنون... كل ناحية منهم فاكرة إنها معاها الحقيقة المطلقة وهيفضلوا يتخانقوا إلى يوم الدين... لحد ما يظهر ناس عندهم الشجاعة والاعتزاز بثقافتنا وهويتنا... وبيحملوا هم أولادنا والأجيال الجاية... وساعتها هيكون فنّنا بيعبر بجد عننا، الشجعان زيك بس هم الي بيمشوا الرحلة بصدق وإصرار لحد ما يوصلوا. مهما كترت المحطات، مهما كان الألم والحيرة واللخبطة، مهما كان الهجوم والخذلان والمزايدات، مهما كان التمن اللي بيتدفع... الشجعان زيك بس هم الي بيراجعوا نفسهم وبيعترفوا بأخطائهم ويصلحوها... ده غير إن المشهور رحلته بتكون تحت المجهر. الشجعان زيك بس بيعيشوا بتلقائية واتساق مع النفس".

وأنهى معز مسعود رسالته قائلاً: "فنوننا وثقافتنا وهويتنا يقدروا يتقابلوا... أنا بدأت أعمل ده في أعمالي الفنية وفيلمي (اشتباك) افتتح في مهرجان (كان) وفيلمي القادم رايح مهرجان (ڤينيسيا) قريب.. وهنقدر ناخد أنا وانتِ خطوات أكبر وأمثل على الطريق العظيم ده اللي هتعرف قيمته الأجيال الجاية.. وتاني بقولهالك يا حبيبتي.. رحلتنا واحدة".