هيفاء وهبي لبيروت :" اليوم لابستِلك انا ابيض يا حلوة...قومي اوقفي مشّي معنا نرجع لهونيك"
إستذكرت النجمة هيفاء وهبي ذكرى الرابع من آب ذكرى إنفجار بيروت ثالث أقوى إنفجار في العالم الذي هزّ لبنان وذهب ضحيته أكثر من 200 شخص وجرح المئات وفقدان عدد من الأشخاص تحت الركام .
وكانت قد نشرت وهبي صورة لها عبر الإنستغرام ظهرت فيها مرتدية فستانا من اللون الأبيض، وتحمل باقة ورود وأمامها انفجار مرفأ بيروت
وكتبت:" اليوم الذكرى الأولى لعيد موتك يالبنان، إتغير المنظر الي كنت شوفه
من شرفة بيتي المطلة عليك يا مرفأ".
وأضافت: "كنت أوقف عالشرفة و شوف بيروت الحلوة، شوف الأضوية
والناس عم تتمشى مبسوطة! هلا صار المنظر جرح ..صرت شم ريحة وجع وصرخة كل شخص فقد
غالي عقلبه بالانفجار".
وتابعت: "لكل طفل ولكل شاب ولكل صبية ولإلك يا سحر.. لكم يا
ملائكة بالسما بهدي وردة بيضا متل روحكم البريئة الي ما ذنبها !! المنظر اتغير
يابيروت.. بترجاكي ارجعيلنا يا حلوة اشتقنالك..ببوس إيدَك يا لبنان قاوم جبروتهم
وقسوتهم ما تروح مطرح ما بدن ياخدوك.. دخيلك يا وطنّا ما إلنا غيرك ..يا سندنا و
يا ضهرنا المكسور نحنا حدّك مارح نتركك لترجع توقف عإجريك، وقلّها لبيروت الي
راقدة بالعناية الفائقة نحنا واقفين برّا بس عم بيقولولنا الزيارة ممنوعة ما عم
بيخلونا نفوت نطمن عليها".
وختمت رسالتها: "اليوم لابستِلك انا ابيض يا حلوة.. لونك، لون
الأمل اللي ما بدي افقده قومي اوقفي مشّي معنا نرجع لهونيك".