تامر حسني يشعل حفل العين السخنة وسط حضور جماهيري كبير

 الشاعر بهاء الدين محمد يرّد على شيرين عبدالوهاب:""أنا لحد الأن مش عاجبنى غُنا شيرين"

وقعت النجمة المصرية شيرين عبد الوهاب في خانة الرّد عليها من قِبل الشاعر بهاء الدين محمد وذلك بصدد الدفاع عن إحدى قصائده التي غنتها شيرين ولدى السؤال عن ما هي الأغنية التي تندمين عليها فكان الجواب " ما تجرحنيش"

وكانت لا تزال شيرين ترّد عبر أسئلة الجمهور من خلال ستوري الإنستغرام وكان هذا الجواب الذي دفع بالشاعر بهاء الدين للرّد بقسوة بمنشور طويل جاء فيه:" "مش متعود أرد على أى حد . ولكن لما حد يتجاوز حدوده لازم يقف مكانه ويعرف إنه مهما إتعود يغلط لازم ييجى عند بعض الأسماء ويحاسب ويخلى باله وخاصة لما حد ف كل كارثة يدافع عنها !!!".

وكتب: "المشهد الأول أول يوم دخلت شيرين عبدالوهاب مكتبى كانت مع الأستاذ #نصر_محروس اللى هو صاحب الفضل ف تقديمها وبعد دقائق من اللقاء لقينا شيرين بتبكى وسألها نصر بتعيطى ليه ردت علشان أنا قاعده مع الأستاذ بهاء !!!، والمشهد الثانى رشحتها تغنى #كتير_بنعشق ولولا موافقة نصر إحتراما للعشرة اللى بنا ماكانتش ح تغنيها لأنها كانت موقوفه من النقابة".

وأضاف بهاء الدين محمد: "المشهد الثالث لما فوجئت بمدير أعمالها الرجل اللى أنا بأحبه وبأحترمه لقيته بيكلمنى نيابه عنها ويقولى سمعنى الجديد وده طبعا خطأ لأن اللى بيغنى مهما كان إسمه مش المفروض يغلط غلطه زى دى !!! لأن المشهد ده مش لايق على المشهد الأول المشهد الرابع والأخير  أغنية #ماتجرحنيش أنا لحد الأن مش عاجبنى غُنا شيرين مع إحترامى الكامل لصوتها وأكيد لولا الأستاذ نصر ماكانش ح يتم اللقاء . وماتجرحنيش من أهم أعمالى ومن حقى أدافع عنها نتاج تهور اللى غنيتها وكمان لأول مره ألاقى حد بيحارب نَفسه وبيغلط ف مبدعين إشتركوا ف صناعته !!!".

وختم بهاء الدين محمد حديثه قائلا: "وعشان أكتب الكلام ده يبقى شيرين غلطانه كالعادة بس كان لازم أقولها ماتعمليش كده تانى وأنتى بتكبرى بس مش ح تعدى حدود حجم بعض الأسماء ولا أعمالهم".

وقد تفاعل بعض الشعراء والفنانيين مع هذا الأمر ومنهم من برر لشيرين بأنها ليست هي من تقوم بالتواصل بشكل مباشر مع الجمهور حيث قال الشاعر تامر حسين:""أستاذنا وكبيرنا عبقرى العباقرة هو احنا عندنا كام بهاء الدين محمد ؟ تاريخ عظيم وإستمرارية لحد يومنا وانا الحقيقة معرفش ده رد شيرين بنفسها والا حد من ادارة ال سوشيال ميديا ويمكن خانها التعبير او ماتقصدش العمل الفنى لانها اغنية قيمة كلام ولحن وتوزيع وخاطرك كبير عندنا كلنا أستاذنا ولا تزعل نفسك أكيد شيرين مايرضيهاش يوصلك الإحساس ده ( ياتاريخ ) ياحبيبى واغانيك العظيمة لو كتبتهالك ف بوست مش حانخلص".